ફલોર સ્પેસ ઈન્ડેક્ષ :- એટલે કોઈ પણ પ્લોટ, બાંધકામ એકમ અથવા વિસ્તારના બધાજ મજલાઓના તળીયાનું સંયુકત ક્ષેત્રફળ કે જેમાં તમામ દિવાલોનું ક્ષેત્રફળ તથા આંતરમાળ (મેઝનીન ફલોર) ના ક્ષેત્રફળનો સમાવેશ કરેલ હોય તે અને પ્લોટ બાંધકામ એકમ અથવા વિસ્તારના કુલ ક્ષેત્રફળ વચ્ચેનો ગુણોત્તર, ફલોર સ્પેસ ઈન્ડેક્ષની ગણત્રી વખતે નીચેની બાબતોને ગણત્રીમાં લેવામાં આવશે નહી :-

(૧) ર.૪ મીટર (૮') ઉંચાઈ સુધીના થાંભલાઓ ઉપર બાંધવામાં આવેલ મકાનની નીચેનો ભાગ કે જે
પાર્કીગના હેતુ માટે વપરાતો હોય :
(ર) ભોયરું અથવા ભોંયતળીયાની નીચેનો ભાગ કે જે વાતાનુકુલીકરણના પ્લાન્ટ રુમ, બેન્કના સેફ ડીપોઝીટ વોલ્ટ અને પાર્કીંગની જગ્યા માટે વપરાતો હોય.
(૩) ઈલેકટ્રીક કેબીન અગર ઈલેકટ્રીક સબ સ્ટેશન, વોટર પમ્પ રુમ, ગારબેઝ શાફટ, લીફટની નીસરણી (એલીવેટર્સ સ્ટેર્સ) ઈલેકટ્રીક મોટર રૂમ.
(૪) પ્રોજેકશનો, સ્થાપત્યના અંગો, ચીમનીઓ અને અધ્ધર આવેલી પાણીની ટાંકીઓ.
(પ) ભોંયરા તરફ કે ઉપરના માળે જવાનો ઢાળનો રસ્તો.
(૬) આકાશ સુધી ૧.૮ × ૧.૮ મીટર (૬'×૬') નો ખુલ્લો ચોક.
(૭) કુવો, પાતાળકુવો અને બોરીંગ.
(૮) જે રહેણાંકના મકાનોની નીચે કોઠાર (ભંડકીયા) તરીકેનાં ઉપયોગમાં લેવા માટે બાંધકામ કરેલ હોય.
(૯) છજા અથવા પ્રવેશ.

માળીયું :- એટલે બે માળ વચ્ચેનો ૧.ર૦ મીટર (૪ ફુટ)ની વધુમાં વધુ ઉંચાઈનો વિસ્તાર જે સંગ્રહાત્મક હેતુ માટે બનાવેલ હોય યા તે માટે વાપરી શકાય તેમ હોય. માળીયાનું ક્ષેત્રફળ તેની નીચેના માળના ક્ષેત્રફળથી ત્રિજા ભાગથી વધુ રાખી શકાશે નહી.

વ્યવસાયીક મકાન :- એવું મકાન કે જે મુખ્યત્વે વ્યાપારીક કે કચેરી કામ માટે ઉપયોગમાં લેવાનું હોય કે સુચિત કરેલ હોય. આ પ્રકારના મકાનમાં રખેવાળ કુટુંબ સીવાય અન્ય કોઈ દવારા રહેણાંકનો ઉપયોગ થઈ શકશે નહી.

બેસણી (પ્લીન્થ) :- એટલે શેરીની સપાટી અને શેરીની ઉપરના માળની (ભોંયતળ) સપાટી વચ્ચેની બાહય દિવાલનો ઉંચાઈનો ભાગ.

જોડકુ મકાન :- (સેમી ડીટેચ્ડ બિલ્ડીંગ) એટલે એક સમાન દિવાલથી અલગ પડતા સંપુર્ણ કે અમુક અંશે એક બિજાથી લગોલગ હોય અને દરેકનો અગ્રભાગ, પછીત અને એક બાજુ ખુલ્લી જમીન હોય.

થીએટર :- એટલે એવું પ્રેક્ષકગૃહ, જયા નાટય પ્રયોગમાં ભુમીકા ખાસ કરીને જીવંત વ્યકિતઓ ધ્વનીની મદદ સાથે કે તે વગર ભજવતી હોય.

વખાર અથવા ગોડાઉન :- એટલે એવુ મકાન કે જે સંપૂર્ણ પણે/મુખ્યાંશે વખાર તરીકે વાપરવામાં આવતુ હોય કે વાપરવા માટે બનાવેલ હોય અથવા તેવા સમ પ્રકારના હેતુ માટે અને આ નિયમો મુજબ નિયત કરેલ હોય તેવા માત્ર ઘર વપરાશના કે જાહેર મકાન તરીકે કે દુકાન તરીકે જેનો ઉપયોગ થતો ન હોય.