પૂ. શ્રી માણેકચંદ્રજી મહારાજ સાહેબ
ડો. અભાણી સાહેબ
ડો. અભાણી સાહેબ
બારોટ અને બારોટી સાહિત્ય
શ્રી વી. એચ. રામાણી
શ્રી ભૂપતભાઈ ચાવડા
   
 
જેતપુર-નવાગઢ || જાણીતા મહાનુભાવો
યુગદ્રષ્ટા તપસ્વી પૂ. શ્રી માણેકચંદ્રજી મહારાજ સાહેબ

 

  શ્રી તપસ્વીજી માણેકચંદ્રજી મહારાજસાહેબનો જન્મ વિ. સં. ૧૯રપનાં જેતપુર મુકામે થયેલો, તેમના માતાનું નામ કુંવરબાઈ તથા પિતાશ્રીનું નામ પ્રેમજીભાઈ હતું. માંગરોળ મુકામે સંવત ૧૯ર૮ પોષ સુદ આઠમે દિક્ષા લીધા બાદ વડી દિક્ષા ગોંડલ ગચ્છના પંચમ આચાર્યશ્રી દેવજી સ્વામીના ગુરુ સાનિધ્યમાં વૈશાખ સુદ આઠમે લીધી.

   ઈન્દ્રીયોના દાસત્વથી મુકત થનાર મહાન વિજેતા છે, તેના આત્મ સાક્ષાત્કાર માટે સં. ૧૯૩રમાં સત્તર વર્ષની વયે પાણીનો સદંતર ત્યાગ પ્રતિદિન બે કલાકથી વધુ ઉંઘ ન લેવાનો દઢ નિશ્ચય કર્યો. છાસમાં લોટ ભેળવી મહિનાઓ સુધી આહાર કર્યો. છાસમાં લાકડાનો વેર ભેળવી આત્મ સંતોષ અનુભવતા. તેથી જ પરિણામ સ્વરૂપ જગતમાં તેઓ તપસ્વીના ઉપનામથી જાણીતા થયા. સંવત ૧૯૭૯ના કારતક વદ ૧૧ મંગળવાર રાત્રીના ૩-૦૦ કલાકે મન,વચન,કાયાથી મહાવ્રત સંથારાનો પ્રારંભ કર્યો. ૧૯ દિવસની ઉગ્ર તપસ્યાના અંતે માગસર સુદ ૧૪ શનિવાર રાત્રીના ૪ - ૦૦ કલાકે માંગલિક શબ્દોચ્ચાર સાથે મંગલધામના મંગલયાત્રી થઈ મંગલ પ્રસ્થાન આદર્યું.

   આ સમાચાર પ્રસરતા તેમના દર્શનાર્થે ઉપસ્‍િથતિ વચ્ચે ભવ્ય પાલખીમાં સમાધિ સ્થાને લઈ જવામાં આવ્યા. જયાં પંચ મહાભૂતમાં તેમનો દેહ વિલીન થઈ ગયો.

પૂ. તપસ્વી માણેકચંદ્રજી મહારાજીની કાયમી સ્મૃતિમાં શ્રી તપસ્વી માણેકચંદ્રજી આશ્રમ ટાકુડીપરામાં, ચંદ્રમૌલિશ્વર મંદિર સામે જેતપુર મૂકામે પૂ. તપસ્વી મહારાજના સંસારી પરિવાર ગાંધી કુટુંબ દવારા સ્થાપના કરી અને શ્રી તપસ્વી મહારાજના સંસ્મરણોને ચેતનવંતા રાખવા આ આશ્રમનું નિર્માણ કરેલ છે.

 

જેતપુર શહેરના પ્રથમ Ph.D - ડો. અભાણી સાહેબ

    જેતપુર શહેરનાં મૂળ વતની અને એવોર્ડ વિજેતા શિક્ષક શ્રી ડો. ભૂપેન્દ્રસિંહ વી. અભાણી એ ભારતીય સાહિત્ય ક્ષેત્રે બારોટ સાહિત્ય ને ઉજાગર કરનાર ૪પ (પિસતાલીસ) થી વધુ સાહિત્યકારોનાં જીવન અને કવન વિશેના સંશોધનાત્મક કાર્યના ફલ સ્વરૂપે શોધ મહાનિબંધ તૈયાર કરી સૌરાષ્ટ્ર યુનિર્વસીટીમાં રજૂ કરતાં તેઓના આ શોધનિબંધને યુનિ.એ સ્વીકૃત કરી તેમને વિધા વાચસ્પતિ (Ph.D) ની પદવી એનાયત કરેલ છે. જેતપુર શહેરના મૂળ વતની તરીકે પ્રથમ વિધા વાચસ્પતિ (Ph.D) ની પદવી પ્રાપ્ત કરી જેતપુર શહેરને તેમણે ગૌરવ અપાવ્યું છે.

    તેમના આ મહાનિબંધને તેમણે ૬૦૦થી વધુ પાનાઓમાં સંકલિત કરી મહાગ્રંથ બારોટ અને બારોટી આ પ્રકારના પુસ્તકોમાં પ્રથમ કક્ષાનો અભ્યાસપૂર્ણ ગ્રંથ આપેલ છે. જેમાં બારોટ શબ્દની સાચી ઓળખ, બારોટ જ્ઞાતિની ઉત્પતિનો ઈતિહાસ, પુરાણો અને મહાકાવ્યોમાં બારોટ જ્ઞાતિનું સ્થાન, વિદવાનોના મતે બારોટ અને બારોટી સાહિત્યની છણાવટ, બારોટનું વહીલેખન અને તેની પ્રમાણભૂતતા આ બધી જ અભ્યાસપૂર્ણ સંશોધાત્મક માહિતીઓનું સુંદર સંકલન વાચકની જિજ્ઞાશાને સંતોષે તેવું છે.

વસ્તી ગણતરી - ર૦૦૧ રાષ્ટ્રપતિ ચંદ્રક વિજેતા - શ્રી વી. એચ. રામાણી

   સને ર૦૦૧ની વસ્તી ગણતરીમાં આસીસ્ટન્ટ ચાર્જ ઓફીસર તરીકે જેતપુર - નવાગઢ નગરપાલિકાનાં હેડ કલાર્ક શ્રી વી. એચ. રામાણીએ બજાવેલ સુંદર કામગીરી બદલ ભારત સરકારશ્રી તરફથી બ્રોન્ઝ મેડલ તથા પ્રમાણપત્ર આપી સન્માન કરેલ છે. પ્રસ્તુત તસ્વીરમાં જેતપુર - નવાગઢ નગરપાલિકાનાં મામલતદાર શ્રી જાગાણી સાહેબ હેડ કલાર્ક શ્રી વી.એચ. રામાણીને બ્રોન્ઝ મેડલ તથા પ્રમાણપત્ર આપતા જણાય છે.

   

રાષ્ટ્રપતિ ચંદ્રક વિજેતા - શ્રી ભૂપતભાઈ ચાવડા

  સને ર૦૦૧ની વસ્તી ગણતરીમાં ગણતરીદાર તરીકે જેતપુર - નવાગઢ નગરપાલિકાનાં કલાર્ક શ્રી બી. જી. ચાવડાએ બજાવેલ સુંદર કામગીરી બદલ ભારત સરકારશ્રી તરફથી સિલ્વર મેડલ તથા પ્રમાણપત્ર આપી સન્માન કરેલ છે. પ્રસ્તુત તસ્વીરમાં જેતપુર - નવાગઢ નગરપાલિકાનાં પ્રમુખ શ્રીમતિ દિવાળીબેન ગોહેલ કલાર્ક શ્રી બી.જી. ચાવડાને સિલ્વર મેડલ તથા પ્રમાણપત્ર આપતા જણાય છે.

   

 
 
 
Shaheri Vikas Varsh Click for Login Nirmal Gujarat-2007 Click to Download Fonts
  નોંધ: આ વેબસાઈટ પર દર્શાવેલ માહિતી,આંકડા કે રકમ નગરપાલિકાના રેકોર્ડ પરથી લીઘેલ છે.પરંતુ શરતચૂક કે અન્ય કારણસર કોઈ પણ પ્રકારની માહિતીમાં ખામી કે ભૂલ હોય તો નગરપાલિકાના રેકોર્ડ પરની માહિતી સાચી ગણવી. આ અંગે વેબસાઈટને કોઈ પણ પ્રકારે જવાબદાર ઠેરવી શકાશે નહી.